香港 >> 東京成田機場

出發

14/8/2005

(星期日)

出發當晚男朋友到我家中預備,我們是乘坐NORTHWEST的8:30am航機,為了預約兩小時前到機場辦理各項手續,我地6am就出門口了,乘搭機鐵大約6:50am到達機場。

但因為之前一直都係跟團,從未試過自己到機場辦理出境手續,所以有d緊張,我地搵到NW櫃位,但因我地張機票係e-ticket,從服務員口中得知我地o既ticket係無reserved location...而所有二人坐位都已經沒有了..剩番o既都係一d單人機位, 所以我同男友就要分開坐了>_<果個服務員幫我地reserved左二人機位於下次返港o既航機,叫我地o係果時要早d到,如果唔係就算幫我地reserved左都會被其它人囉先。

辦理好上機手續我地就去M記食早餐,食完就即刻趕去辦出境手續了,我地O既時間都頗緊迫,因離境櫃台都會O係航機出發半個鐘前關掉,即8am會關,而我地7:55am才到達...~_~

上到飛機了,自己一個人坐,悶得很,訓又訓唔著,所以囉左部NDS O黎玩,奇怪地今次搭飛機一D頭暈都無,記得上次好辛苦呢...約三小時終於抵達東京成田機場~~

 

成田機場 >> 新宿

第一日

14/8/2005

(星期日)

O黎到我最喜歡O既日本了,心情好興奮~因之前有充足O既準備 (為呢次自遊行我成個星期搵資料,睇書,問人,都頗辛苦呢..><) 我選擇左唔搭最簡易而唔係平O既機場巴士,取而代之係日本最平O既交通工具-京成本線,只係1000yen,但要行樓梯同轉車,雖然朋友說第一次自遊行唔好搭呢D車,但我乜都想試下呢~~東京O既電梯扶手係要靠左企(同香港剛剛相反),我地當然係經常企錯啦...-_-到櫃台見到KSEI GROUP O既LOGO,就走埋去買兩張到新宿的京成本線車票了。

o黎到月台,京成本線列車對面o既就係SKYLINER列車,佢地係同月台的。我男朋友買左枝飲品就上車了,呢間車要坐個半鐘,而且京成本線O既坐位不太舒服(平野係咁架啦~_~) 諗起我今日要約O係日本居住O既表姐,但之前看資料得知車內係唔俾響/講電話的...O係優先席附近仲要熄電話...=_=不過無辦法之下都要打電話,唯有按住口好細聲咁講啦...京成本線係不能直達新宿的,要O係日暮里站轉車,落車後到改禮口轉JR山手線出發去新宿了。

大約5pm終於到著新宿,我地就開始尋找我地o既飛鳥酒店了。地圖呢part就要靠男朋友了,因我是路痴,且我唔太識睇地圖...我地一路拖住行李行...最後都算順利到達飛鳥酒店,間酒店lobby好肉酸,好彩d房算幾大,semi-double房算係咁了,是用密碼鎖門的,不雖要key card。

放下行李就開始我地o既東京之旅了~我地去左間大大隻寫住105yen o既回轉壽司食野,但入到去我地根本無叫105yen o既食物=~=食左好多唔同o既魚,其中o既大TORO真係超超好食...@.@就算其他O既魚都極之新鮮甜美,簡直大飽口福~食左約二百港元,真係超值呢~~

食完就周圍認下路,約8pm就去左JR附近O既小田急MALL行下順便等表姐,meet左表姐之後,表姐帶我地周圍行下,因為都頗夜了,我地就去左較夜close o既歌舞技丁一帶行,夾下公仔睇下電器影下相咁~行左約兩個鐘表姐就要走了..><依依不捨咁目送表姐離開,我地就前往歌舞技丁食左間叫博多o既拉麵店,裡面o既店主好似好喜歡我男朋友咁..我地一傾計佢就望過o黎,又成日主動同我男友講野,佢係識小小普通話同廣東話的,但唔知點解..日本人講日文以外o既語言我係完全聽唔到..次次都係男友話我知佢講乜..實在太難聽了..orz我地都揀左豬骨湯拉麵,都幾好食~食左約百二蚊港元。

食完之後o係返酒店o既街上影下相,就回酒店了,呢間酒店離JR新宿站頗遠呢..要行約8-10分鐘~_~我地去左就近7-11買左D糧食返酒店呢~

 

淺草 >> 秋葉原 >> 銀座

第二日

15/8/2005

(星期一)

本來今日預定一早去淺草睇白鴿,但比預定遲左一小時才起床...一起身就趕趕趕,我地搭JR山手線到上野站轉銀座線到淺草,車程頗長..去到雷門寺,已見唔到有一大堆白鴿O既情景了,只見一兩隻飛O黎飛去,很失望呢..睇O黎白鴿們都已食飽飽了...>_<我地就唯有行下淺草周圍商店,男朋友是很怕熱的,就買左杯冰食,我有帽唔怕太陽曬~O係淺草我買左d手信,o係日本買野食野都最好有基本o既日文交談(我發現有d地區o既服務員真係可以一d英文都唔識o既..)用我識o既小小日文都還可以生存..平時o係香港所有買野食野問野大多都係由我男友幫我代言o既,o黎到日本就乜都要我了.. 行到咁上下我地就去左食野了,但因唔知邊間好食,見到有一間門口寫住築地分店o既回轉壽司..諗住築地野應唔差得去邊,就入去了。我地又叫左d唔同o既魚,但唔係好似第一日食果間咁好食..只屬普通且頗貴..仲係一件件計錢的..見到所有入o黎o既客人都係阿婆之類...怪怪的。途中男朋友手多見台上有一個按制o既野,佢就按左落去,按完先覺得好像係叫服務員o既按鈕..之後佢就好驚...=_=但已太遲,不久就有人過o黎問乜事了..當然又係要我回應..無奈...最後食左約二百多港元。

約12pm我地就離開淺草前往秋葉原了,秋葉原離淺草頗近,其實可以用行的,但對自己無信心,都係選擇了搭車,搭銀座線到上野站轉JR前往秋葉原站,到達秋葉原站發現有書內提過售賣SUICA(可以算係日本八達通)O既機,因我想要那張刻有企鵝圖案O既乘車卡,所以就用2000yen買了~ 聽講秋葉原好多動畫同電器睇,我就預左大半日行呢度,我地就周圍行,但發覺每間商場都有好多層但睇O既野都一樣咁濟..我就係秋葉原搵到好多香港搵唔到O既動畫物品,又搵到d比香港平很多o既野~我都知我會o係呢度買最多野,所以就見乜買乜,用左約七百蚊港元。途中我地按汽水機買左d飲品休息一會,發現日本o既汽水機係有非常多o既選擇~同香港好大分別呢。我地又去左夾公仔鋪頭同機鋪行下,o係機鋪有雪糕雪條機,我地就坐o係度一路食一路睇人打機,但發現成個機鋪十層一個女仔都見唔到@_@ o係秋葉原行到咁上下,見間間鋪都係差不多,而我地又無plan o係日本買電器,所以好快已覺悶了.. 比預定多出很多時間。男友話很累不如返新宿算了,我就唔想咁快返去,就提議去銀座行下,佢好似迫於無奈咁agree..=_=

我地搭JR前往有樂町站(很近銀座的),就看地圖行了,我地由銀座一丁目行到六丁目...都唔見有乜野係好睇的..剩係O係條街亂兜..途中實在行得太累,去左吉野家食野,但呢個服務員呆呆的..仲要俾錯我地要O既野..指俾佢睇O既野佢全部睇左我地指O既對上一個食物-_-男朋友牛肉飯變左大,我要薯仔沙津變左野菜沙津,最慘係食落先發現唔O岩..無得換...>_<食左唔好食O既沙津同男朋友O既半碗飯,日本O既吉野家牛肉係燒牛肉O黎的,很好食~繼續行行到咁上下終於頂唔住要返去了,但因為之前一直亂O係街穿插,當然唔記得返去O既路..我想搭巴士但男友又無信心..行到咁上下終於見到地鐵站了,我地就搭左地鐵番去新宿~果日返到酒店已超累,無食晚飯就訓著了..

 

台場

第三日

16/8/2005

(星期二)

今日我地遲左dd起身,因今日預定只有台場一地,時間較鬆動。我地去左酒店附近食早餐,果間快餐店係專門食咖喱的,而間野係要按機買票的,一開始唔係咁明部機d野點買,有一英文了得o既服務員過o黎解釋點用,講英文呢個責任就交俾男朋友了,我地叫左好多野食..完全唔似食早餐呢 lol..食完後我地就搭JR到新橋站,轉フベろパバ線(無人駕駛列車) 到台場各站,買左全日票可來往台場各站-800yen。本來有條線可直往台場,但因フベろパバ列車可睇到日本經常用來拍戲O既彩虹橋,諗住一看,怎料車內人非常地多..企都無位企..仲點可能睇到彩虹橋影到相..~_~

o係台場海濱公園站下車,一出去就見到Cat's Livin呢間可以玩貓o既鋪頭,入到去睇左好多關於貓o既精品,突然..地下震動..聽到d玻璃有小小碰撞o既聲,當然係地震,眼見d日本人好驚慌o既樣子..相反我就覺得好得意..lol d服務員亦好快將所有玻璃o既物件囉走,約一分鐘到就停了。之後本來想入去玩貓,但要90蚊一位且裡面o既貓得幾隻..亦無乜人..好似唔多值,所以就無入去了。我地首先去左DECKS tokyo beach 最高兩層6/F-7/F O既台場小香港,裡面O既佈置同香港都真係幾似,但整得頗殘舊,全部中文字牌,裡面O既食物全是餃子,膽膽麵等。

之後我地落左3/F-5/F行各類型商店,我同男朋友都於4/F Casual House 306睇中左d衫,我就揀左一件,佢就買左三件到,用左約六百蚊港元,d衫款式香港好小見,特別係男裝,而且o岩o岩做緊特價,每件都係百幾至二百幾蚊,算幾平~行到累又去左食雪糕~買完食完就去左SEGA JOYPOLIS機動遊戲城玩,因為滿手都囉住野,入場就即刻搵COIN LOCKER放野,我地買左全日passport 3300yen一個人,入到去原來好大的,有約四層,但因我唔太好機動遊戲..所以只係玩左d動感影院同其它小型機動遊戲..個動感影院都幾好玩,好真好緊張,有小朋友仲嚇到喊呢x_x,但因我唔玩大型機動遊戲,攪到男朋友都無得玩過山車果d~_~場內都頗多人,每個遊戲都要排30分鐘以上..o係呢度用左唔小時間排隊呢..玩完都差不多六點了,我地就番去台場海濱公園站搭フベろパバ列車到青海站,去左Palette Town裡面O既Venus Fort行左陣,但果度無乜野行咁,好快就去左食野了,我地去左間回轉壽司,果間野無乜人,整壽司果個人猛叫我地坐吧台..但回轉帶係無放壽司的..即係要用口講野叫野食..又無紙筆落單,我唯有硬著頭皮續樣叫..我地叫左好多魚番o黎食,又試左好多廚司推介魚,又食左大TORO,但味道只是一般..整壽司果個人突然問我地識唔識普通話,又問我地係咪香港人,好似想同我地傾計咁,嚇鬼死..食完野就去左MEGA WEB睇車,D車仲可以續架坐上去玩,幾得意~之後本來想去坐大觀覽車,但係條龍長到呢..睇落起碼要等一個鐘以上..因為我地o係台場仲有一個地方要去,係大江戶溫泉物語~時間亦不早..所以就放棄大觀覽車了~_~

我地番去青海站坐フベろパバ列車到ЪяヵуЙ⑦Уみ站,出左站就行去大江戶溫泉物語了,入到去即要脫鞋,之後放入鞋櫃,去買票(6pm後約2000yen一位),之後就可以去揀浴衣款式了,浴衣條彩帶都唔識縛,周圍去望人..之後我同男友都換好浴衣,入到去佈置如大江戶城o既地方享受一番,就好似置身於以前o既日本街道咁,氣氛很特別,我地o係裡面睇人射箭拋飛標,係古代人o既玩意呢~又有占卜~我地o係入面食左墨魚丸,影下相,坐左陣就去左足湯開始玩了~但裡面根本唔係享受..係好痛苦呢,全條有水o既路都佈滿石春,突然大突然細..行得好辛苦..有時踏中突如其來o既大石春..都要即刻坐低..我地坐左o係剛到大石春位置,大部份日本人行到果度就一定大叫ゆギゆ(痛),全場差不多去到邊都聽到有人叫ゆギゆ連續發聲..見到有d人仲放棄上岸呢,我地咁遠o黎到唔通放棄咩,唯有頂硬上,終於行完了..對腳板感覺麻麻的..之後我地就去浸溫泉了~初初男友唔肯去,因呢個溫泉係唔可以著任何衫的,其實我都唔太慣..但最後兩個都分別進入男/女溫泉了,入到去已見好多女仔無著衫周圍行..非常唔慣呢..我就行去放好衣服就入去浸溫泉了,初初都周圍遮,但因見個個都係咁,就開始慢慢適應了~我o係入面見一個浸一個,每個浸約7分鐘,浸完就去左焗桑拿..桑拿真係好辛苦..透唔到氣呢..之後頂左5分鐘出番o黎再浸多陣就去沖身了,沖身時才發現原來主要的大江戶溫泉在正樓上正中央..但同男友約定出去等o既時間已不遠..心諗無理由o黎到唔浸最主要果個溫泉架麻..就又去左浸了,果個溫泉有硫磺的,我都無睇佢話對咩好,總之就浸啦~浸左5分鐘就真係去沖身了,比約定時間已過15mins,而且亦快到フベろパバ列車閉車時間..裡面o既人個個都好急去吹頭換衫,我亦趕得好辛苦,終於整完野出番o黎,見男友已等到訓著~_~佢好似好快就出左o黎咁..之後就衝出去囉鞋走了,趕急過程中仲唔小心用鞋踩左落"土足嚴禁"o既地方..即係又除鞋又著鞋..><好彩都趕到列車,到新橋站轉JR山手線到新宿。

因我地都未食晚餐,果時都差不多00am了,就去左比較夜閉店o既歌舞技丁食野,我地揀左表姐介紹o既光麵,但後來先知原來係中國食物..男友食左個寫住超豪華近七十蚊港元o既麵...點知d送菜全部係甘筍、梅菜、蒜片,係平時會夾走o既野T_T男朋友非常唔滿意呢間野..o係日本食中國食物的確唔太得呢..

 

池袋

第四日

17/8/2005

(星期三)

今日乘JR山手線到池袋,是最近的行程。一路行行到SUNSHINE CITY,裡面很大呢,我地行左陣商場,就去左Namja Town玩,我地無買全日passport,因看過旅遊書怕裡面o既遊戲唔o岩玩,入去只係食野多,300yen一人就可入去了~我地一入去就見到餃子城,入到裡面有好多好多間餃子店,根本唔知邊間好食,我地就士但入一間有位的,d餃子感覺只屬普通..之後出番餃子城周圍行就見到好多人囉住一舊幾大o既膠公仔周圍搵野咁,慢慢先發現原來佢地玩緊Namja Town o既遊戲,每人要囉個公仔,裡面有感應器,要囉住佢周圍行見佢發聲即係離目標不遠,去到果個地方又會叫你去另一地方,總之感覺就係..日文不好的話都未必會好玩投入..所以都係一直望人玩,我地都無俾過錢o係入面玩呢d野..裡面大部份遊戲都係咁玩..有d要囉住舊膠公仔放入d大機械到餵佢食野,好似tamagochi咁養佢,我o係個mon度見個個人隻野都唔同樣,有d好健壯,有d好瘦弱,睇落係幾好玩呢,兩個人將兩隻膠公仔放近可以測相性度添~我地只係唱左d金幣去左最低層玩丟碟,丟豆袋咁~_~不過算啦我地入o黎根本都無諗住玩的,我地之後就去左ice-cream city, 裡面有好多好多雪糕店,仲差不多間間都要排隊,我地揀左一間o黎試,我食果隻係玫瑰味,真係好似食緊玫瑰花咁呢^^"我地其實一直發現有一間d雪糕好特別,可以好似麵粉咁拉起唔斷,但因為之前好多人,所以無揀到,但o岩o岩見到只係兩三個人排隊,男朋友話想試下,因我o岩o岩先食完,所以佢自己就買左一杯食,整雪糕果個係外國人o黎,佢整雪糕好似玩雜技咁,俾杯雪糕你果時仲o係度扮趺左杯雪糕用三隻手指轉左360度再拎番起..俾佢嚇鬼死..=-=不過食落味道只係好重牛奶味,口感同普通雪糕無乜分別。我地又去左期內限定o既布甸城,裡面只係一個counter o黎,有著好多款唔同樣o既布甸,無位坐要買走的,因果時已經食到飽飽,我地都無試了。到6點到就離開Namja Town,諗住去水族館睇下,但搵左好耐先搵到,要出到好遠去另一座叫World Import Mart o既大廈(sunshine city應該有得直通過去,但唔識行..) o係出面行到好遠去到果座野,原來水族館就係o係屋上果層(部lip最高果層真係叫屋上 ) 去到買票處,250蚊港元一位,只係看一看兩個人500蚊我覺得頗貴,但最後都係入去了,入到去先發現好多平時睇唔到o既海生物,如海豹,睇到呢d已覺值回票價呢~但o係入面行行下,有工作人員派電筒,之後就全場熄燈了,要你用電筒照o黎睇,雖然氣氛係幾特別..但對於真係想睇清楚各生物同想影靚相o既人..熄左燈就係一個障礙了..我男朋友一直埋怨做乜熄燈咁無聊~_~間野都唔係太大,一個鐘到就睇完了。之後出到o黎都唔見我想睇o既企鵝,當有小小失望之際,就發現放企鵝o既地方原來o係水族館之外~~果刻發現咁多企鵝果時就好開心呢,瘋狂咁同佢地影相拍video,真係影左好多...我男朋友就一直聊d企鵝玩,隻手指仲俾企鵝當食物一膽咬左下,不過佢話唔痛的,一直只可以o係電視見到o既企鵝居然近距離出現o係眼前,真係超感動呢~~o係企鵝到都玩左差唔多半小時,最後諗住離開sunshine city果時收到o係香港o既媽咪爹地視像電話,我就搵左個位玩視像,第一次o係外國玩3G,真係好得意~~但我知道每分鐘都要幾十蚊的呢..

約7:30pm到離開sunshine city,覺得時間尚早,就諗住趕去8pm閉店o既ANIMATE大廈,因係隔幾條街,我地入到去只係得番十五分鐘睇野,裡面好多動畫野呢~但一到8pm工作人員已用大聲公向著各客人說閉店時間已到,所以我地好快都要走了。

我地果時已行到好累,但JR站是頗遠的..行行下O係JR站前無幾遠發現有去新宿伊勢丹O既都營巴士,我就好想試下搭巴士,O岩O岩我又想番伊勢丹買壽司食,雖然男友都有D怕唔識落車,但還掂寫明去新宿錯極都唔會太離譜,就上左車了。車裡O既指示非常夠,在不同站停車之前都會寫明係咩站近邊度(通常係用D大型建築物做下車站名),又會話你知果個站落車可以轉咩JR火車或地下鐵,正常睇到牌O既人都好難會落錯車呢~而且落車鐘亦佈滿全車,一按就會著紅燈寫著"止ネベネエ",我同男朋友搶住要按鐘=_=

我地順利O係新宿伊勢丹站下車,但落車才發現伊勢丹8pm已閉店~_~我地唯有去附近之前朋友介紹o既網八天婦羅食野,入到去我地坐左o係吧台,我地叫左兩個約280蚊港元o既套餐,原來廚司係o係水度活捉海鮮即時整天婦羅的,非常新鮮呢!我地其實都唔太知有d咩野食,只係大約,佢一直整o黎放o係我地o既碟上,有蝦、鰻魚、野菜天婦羅等等,仲有好多~一直炸..食到好飽果時佢仲炸緊..真係食到好飽呢..但其實我覺味道又唔係想像中咁要好,係好新鮮,d蝦好甜,我朋友話呢間不可不試,同香港d天婦羅有極大o既分別..我同男友又唔多覺呢..x_x不過都唔錯o既,280蚊有咁多新鮮o既天婦羅食~食完就番酒店了,差不多每日返酒店對腳已痛得好緊要..男朋友話自遊行很辛苦呢~_~"

 

築地 >> 原宿 >> 自由ゎ丘

第五日

18/8/2005

(星期四)

我地今日直接搭比JR新宿站近好多的地下鐵,用都營大江戶線直去築地市場站,因築地市場係約12pm就閉店,我地都要預早入去。因朋友說大和是築地市場裡最好食的店,但雖然搵到大和...但條龍真係長得可怕...其它店都係冷冷清清,只有果間係多人得很...在烈日當空下咁樣排隊都諗到幾辛苦..而且又唔係得佢一間店...我地就去左間外表唔錯而無乜人o既店去試呢...果度只有旅行人士,有兩個日本人o係吧台叫左三碟壽司就走左..有d驚...我地就照平時咁叫一大堆魚,果然不出所料...味道真係好一般...仲諗住o黎築地可以食到最新鮮o既魚..點知感覺仲好似比出面回轉壽司差...大TORO同海膽味道都真的很一般..有D魚居然仲有血煋味!我地無聊走去對價錢,點知見多左兩碟420yen o既壽司(我地無叫420yen o既野) 一問才得知男朋友叫左o既蟹壽司價錢係日日唔同,新價錢已寫左o係吧台木牌上..而佢話今日o既蟹係比平時大d所以貴d..咁就算啦,食左300蚊港元到埋單..特登咁早咁遠搭車o黎食d唔新so既壽司真係好失望>_<

我地食完就搭番大江戶線番新宿轉JR山手線去原宿了,我地首先去左明治神宮(剛睇完浪客劍心動畫成日提到明治時代想去參觀一下) ,而且我地原本O既行程根本都無去境點睇野..見咁近JR站O既明治神宮就去了。入到去一直影相,見到有好多旅客呢~不過原來入面都頗大,要行一段路先見到神樂殿同本殿,神樂殿係可以攪婚禮O既地方,我地去到本殿參觀一下,行左陣就去左文化館•寶物展示室睇野,O係果度買左小小手信。因去到邊都烈日當空..男朋友成日話要坐企休息~我地就去左就近O既休憩所坐低食冰呢~休息完我地就離開明治神宮了。

我地行番出大街,果度好多少男少女就好似旺角o既感覺,成個原宿竹下通就係一條左右都有小商店o既街,果日好曬好熱,咁樣行都幾辛苦..我地就成日捐入商店度嘆冷氣,我就o係一間飾物店買左三對幾特別o既耳環,約三十蚊港元一對唔太貴。因為太熱o既關係,行左陣就想走了,本來之後o既行程預定係涉谷,但因男朋友話我plan的行程太多是行的..很辛苦..咁我就揀左去表姐介紹有好好食甜品o既自由ゎ丘了。

我地搭JR山手線到涉谷轉東急東橫線往自由ゎ丘,果個車站係露天的..且有三條列車線,感覺怪怪的。我地去到自由ゎ丘站,諗住行下附近商店先去享用甜品,諗住照旅遊書O既路線行,行行下因旅遊書指示O既某大商場已拆掉,我地用O黎做記認O既大型建築物無了。我地一直行一直唔見那商場(因見到那商場就要轉彎),行左好耐都唔見..越行越遠..開始覺得唔對路..就決定問在街上正在等巴士的婆婆,婆婆很好人,當我話想去那大商場時,佢一直問我點解去那裡,大約話已拆掉點解我仲要去,咁我就話佢知我想搵O既其實係另一地方,果個商場只係用O黎做記認。佢就教我地行番轉頭見到某某建築物就是了,原來我地一早已經經過那裡T_T 我地道謝後繼續行,終於出番大街了,我地當時已非常累,去左一間好似M記O既叫first kitchen o既快餐店,裡面做緊綠茶特飲o既季節限定promote,我男朋友也叫了,亦見好多日本人也在飲,本來我無叫野食,但見那特飲很吸引,還是落番去留下買左杯可可特飲,真的很美味呢~~但o係日本快餐店食野同香港有d唔同o既係,食完o既野要自己囉番去垃圾筒附近,o係唔同o既位置倒冰,倒水,將剩番o既杯、飲管、紙巾分別放o係燃物同不燃物o既垃圾筒內,比較麻煩,但我覺得呢個做法係非常好,只係我地唔慣的,我男朋友成日將燃物同不燃物丟轉放..=~=

我地休息完就去今日去自由ゎ丘o既主要地點,SWEET FOREST準備食甜品了,我地去左3/F意大利甜品餐廳..O岩O岩看書才發現原來SWEET FOREST O係二樓..我地去左3/F食野..唔怪之D甜品樣子唔同網頁睇果D..>_< 太失察了..激死我啦!!>< 我地O係果度食左約百多港元,男朋友話佢O既綠茶甜品唔錯,我的朱古力甜品就只屬一般,不過果度坐得幾舒服,算了吧~_~我地食完就離開了。因為時間尚早,亦諗起我地雖然住新宿,但未行過新宿呢..我無將新宿列入行程範圍內,因為諗住成日住一定有機會行,諗唔起次次番去新宿都已經好夜,趁住有時間就搭車返新宿行了。

我地回到新宿,去ISETAN伊勢丹行左陣,男朋友叫我O係日本揀個袋送我做生日禮物,但伊勢丹8pm就會閉店,短短無一個鐘o既時間又點揀到野呢..只係試左幾個但唔o岩,之後好快又到閉店時間了..我地就去搵野食了,聽朋友說新宿的蟹道樂很好食,但要大約四百多港元一個人頗貴,但咁遠o黎到日本無理由唔試下的,就決定去了。入到去感覺很高級,要除鞋才可坐上椅子,環境幽暗寧靜(可能無乜人),男朋友叫左有隻好大o既蟹o既廣告餐(o係地鐵成日見呢個餐o既廣告),我就叫左個平dd o既有爐燒o既餐,不過我唔係太滿意呢度o既侍應生,呆呆之餘又好似唔識講野咁,一開始就將我同男友兩個餐o既野食亂放,攪到男朋友食錯我的餐內食物,侍應生又成日幫我將d蟹放晒上個爐..想慢慢燒慢慢食都唔得..同我燒完就囉走個爐...呢間野都不過不失,熟o既蟹就一般,蟹刺身(即生o既)就超級甜美,真的無想到蟹刺身可以咁甜咁好食的。我地食左12000yen埋單,到我地走o既時候都近關門時間了,我o係出面counter揀左隻蟹公仔買左o黎做留念,之後就返去酒店了。我地果晚就執好行李,預備聽日回程返香港了。

 

上野 >> 成田機場 >>香港

第六日

19/8/2005

(星期五)

因上野站有列車出成田機場,所以最後一日plan左去上野動物園玩,我地今日一早就離開酒店了,拖著行李行真的頗辛苦..盡量搵有電梯o既地方上落。我地搭JR山手線到上野站,O係上野站搵COIN LOCKER放低行李,經過上野恩賜公園很快就見到上野動物園o既售票機了,600yen一位頗合理呢。我地o係入面見到好多奇珍異獸,有獅子、老虎、鷲、鷹、熊貓、貓頭鷹、長臂猿、大猩猩、蝙蝠、企鵝、海獅、北極熊、象、犀牛、小/大河馬、鹿、袋鼠、狼、岩羊、班馬、長頸鹿、鴕鳥、鱷魚、大蛇、貓鼬、山貓、狐狸等等。佢果度介紹呢個動物園話係戰前戰後o既動物~大部份都只係o係電視見過,o係呢個動物園真係大開眼界呢,我亦同好多動物影左好多相^_^ 我地果日要預好早入機場(因怕訂左o既二人位會俾人囉左),睇左兩小時到就走了,我地回程o係公園途中發現一堆白鴿食緊人地餵o既食物,但我同男友一行埋去佢地就飛走了..有一隻白鴿在起飛時仲不小心將身體穿過路人o既膠袋一同飛到空中,同伴們一見到帶著膠袋o既佢飛埋o黎就即時散走,很慘呢..有些途人亦想幫他除出袋子,但一行埋去佢就飛走,根本無機會行近牠..不知牠現在怎樣呢。

我地行左好耐終於番番去JR上野站了..(有小小迷路O既感覺) 我地就入閘囉番我地沈重O既行李.. 初初以為京成上野站係可以由JR上野站直通,但看路標似乎不能呢..所以就要出番閘經出面路行去京成上野站了..果刻才發現原來日本唔可以同一個站一出一入,要O係票務員那裡確認一下,要用另一路口才出到去。我地又搬著行李行到京成上野站,我地本來諗住又搭最平O既京成本線,但聽說果條線係要經常自己搬行李上落樓梯的..諗起都怕怕..我地就決定改搭SKYLINER 2000yen一位,呢條線唔錯,一直都設有電梯,是不須要搬行李行樓梯的~比較之前搭O既京成本線列車,貴1000yen o既SKYLINER列車係獨立坐位的,感覺比較舒服~而且好似飛機坐位咁可以拿下台來放東西呢~

我地帶著輕鬆O既心情坐SKYLINER到達成田機場TERMINAL 1,O係機場辦理好登機手續,整理好行李,就到機場各商店買剩下O既手信了。因我地還未食下晝飯,我地就去左間日本料理食飯,食完就出去機場繼續睇精品。我們是搭6:30pm機的(登機口會於半小時前關閉),約5:40pm我地就去準備辦出境手續.....怎料....去到辦出境手續o既位置...見到非常多的人..條龍長得很可怕..我亦想去相信呢度唔係辦理出境,只係我地o黎錯地方..因為相比香港o既出境counter只有沒有十人等候..有過之而無不及...果刻真的很驚慌徬徨..試問仲有20分鐘就要上機o既人..怎可能等到去辦出境手續呢...今次真係我地o既大意..在辦登機手續o既時侯,工作人員叫我地一定要睇一張紙,但我一囉到手就已忘了..原來那張紙係寫著,要預早一小時以上o係出境口排隊,相信很多人之前都同我地一樣唔知日本o既出境口會咁多人而上唔到機..我不知所惜地拿著機票亂轉...工作人員見我咁樣,就突然行埋o黎望我張機票,佢用英文同我地講,如果我地繼續o係度排隊,一定會錯過呢班飛機的,唯一可做o既係叫我地同最前的旅人說一聲,請他們俾我地先辦手續..工作人員說呢樣交談o既事要我地本人去做,佢係無權幫旅人說話的。因那時o既時間只剩10分鐘多,就硬著頭皮去問最前的人了,但我不好彩地揀中左一個麻煩的人,我叫佢俾我地辦理先可唔可以,我地只剩10分鐘時間,佢就話我地自己唔預早係自己o既事,無理由俾我地通行而令後面一直排隊o既人不公平,佢叫我地搵工作人員,男朋友就出聲說是工作人員叫我地搵旅人傾的,佢知道後就唯有無奈地讓給我們..我地果時都唔得閒理咁多了,點知我地交passport俾工作人員時發現未填寫出國那張紙 (障礙真多得是T_T) 佢叫我地去櫃台填完直接交番去即可,我地飛奔去櫃台填寫,通過出境櫃台就趕往我地要上機O既登機口,剛剛在5:59pm趕到,幸好還有很多人在排隊登機中,真的有驚無險..差d連心都跳埋出o黎...>_<

上到機終於可以舒服咁坐下,心情慢慢才能平伏,今次可以同番男朋友坐感覺完全唔同,無初初來時咁悶呢,我地訓左陣,又玩左陣NDS 約四小時就番到香港了。NORTHWEST客機真係令我無頭暈,但食物就真係麻麻,不過相信只有JAL食日本野先會覺得好食,相信其它都係咁上下呢..落左機在機場等左好耐行李才出現,之後都差不多香港時間10pm了,我地搭機場快線到青衣下車,首先搭的士返男朋友屋企放低他的行李,再搭MTR送我返家。返到屋企都夜晚十一點幾了,男朋友在我家坐了一會才走。

 

家中

總結

今次旅行因太突然..只有約一星期時間籌備,攪到我去旅行前好似上身咁...日日問人睇書做行程表,攪到無覺好訓...因為第一次自遊行比較緊張,好彩成個旅程都無悶場同大迷路,都算唔錯^^ 試過自遊行之後就發覺跟團係好晒時間去坐車,但換O黎O既係好舒服O既行程,我地就所有地方都要靠腳去行,的確頗辛苦..每人用左約11000蚊港元,都算小了。日本O既JR火車同地下鐵站內都很小地方會設冷氣..有時行到累都無得落車站透透氣..入到車箱就算唔係弱冷車箱都唔算很凍,相信冬天去日本會好好多呢..